نعمة كبيره من نعم ربنا الكتيره الموجوده فى الانسان بس الواحد
زى غيرها من النعم احيانا مش بياخد باله منها عشان يحمد ربنا عليها
لك رجلين بتقف بيهم تستنى الاتوبيس زى حاجات كتير بنستناها
او بتقف بيه على طابور العيش وبتقف بيهم بين ايدين ربنا تصلى
لك رجلين بتمشى بيهم للخير او للشر
اوبتمشى مع اصحابك
او بتمشى بيهم عشان تفك كربه محتاج وتساعده
لك رجلين بتجرى بيهم تلحق شغلك عشان تلحق تبنى مستقبلك
او بتجرى فى ماتش كوره مع اصحابك
المهم انك عندك رجلين احمد ربنا عليهم..
سبب البوست ده
امبارح كانت اولى خطوات ابنى لتعلمه للمشى
برغم ان عملية المشى قد تبدو سهله وبسيطه واحيانا لا اراديه
الا انها كانت عنده طبعا مسأله معقده وصعبه
ازاى يقف لوحده ويتزن ويسيب ايد ماما
لا ويمشى كمان ....
وبالفعل نجح ابنى فى الوقوف وحده والتقدم خطوه للامام
ياااااااه كم هى السعاده عندما انتقل خطوه للامام ثم تبعتها خطوات
واد ايه سعادته هو فى انه نجح فى العمليه اللى كانت تبدو له معقده
بل شديده التعقيد ...
وعرفت ليه بيقولو طريق الاف ميل بيبدأ بخطوه
لانها اصعب خطوه واهم خطوه
يا عثل
ردحذفبكرة يجرى وانتى تجرى وراه مش عارفة تجيبيه
وتقولى الله يرحم ايام زمان لما كنت مش بتتحرك من غيرى
بس ايه الحكم اللى بدأت تنزل عليكى كده
ده على كده عم اياد ده ملهم ليكى
الحمد لله على نعمه التي لا تعد ولا تحصى
ردحذفوجزاكي الله خيراً على هذه التذكرة الطيبة
وبارك الله لك في إبنك وأنبته نباتاً حسناً
تقبلي تحياتي
الحمد لله على كل نعمه
ردحذفربنا يخليلك اياد
بكره تشوفى آثار المشى ....مفيش حاجه هتفضل فى مكانها فى البيت
(:
اوعى تقولي له على طابور العيش او الاتوبيس اللي هيستناهم لحسن يرجع في كلامه
ردحذفشكرا بنت ابيها
ردحذفطبعا ده مش اى حد ده اياد حبيبى
الواحد اكتشف انه لو فكر فى الاطفال
هياخد باله من حاجات كتير مش بياخد باله منها وهى فيه
------------
اهلا امير القلوب
شرفت المدونه بزيارتك
------------------
ربنا يخليه ليكى و يخليكى له
ردحذفطبعا نعمة كبيرة .. بس اكيد بنحس بيها لما بنشوف حد معاق او محروم من نعمة المشى .. ربنا يعافينا كلنا
تحياتى للمنضم حديثا الى قائمة السائرين فى الارض
و كل سنة و انتى طيبة
كل سنة وانتى طيبة
ردحذفيا بنتى حطى شات بوكس فى المدونة عشان مش كل ما نحب نقلك كلمة نحطها فى رد على موضوع حتى لو كانت ملهاش علاقة بالموضوع
ردحذفالمهم الف مبروك على رجوع زوجك بالسلامة يا قمر