هذى غزه ...

هذى غزه !!!!!!

وهذى ايضا غزه !!!!!

ابكى دموع العين سيلى

واستمسكى مسرى الرسول

فغزه تأذن بالافول

ورجال امتنا نيام

زيدى مع الالام زيدى

فلقد الفنا الذل زيدى

بعنا الكرامة كالعبيدى

ورجال امتنا نيام

.

.

.

.

.

.

مش عارفه اقول ايه ؟؟؟؟

خلاص كفايه كلام بقى كفايه

اهلنا بيموتو واحنا بس بنتكلم

فى كل مكان جو الناس بركان

كل مصرى جواه حسره وخيبة امل .......ومش عارفين ننفس عنها

مظاهرات ومسيرات وابتهال وقنوت ودعوات .....هل يكفى ياربى

هل بلغنا المعذره ......معذره عن تخاذلنا .....عن نسياننا القضيه
عن تضيعنا للمقاطعه ......عن مشاهده الاخبار كانها فيلم او مسلسل درامى

والله ما عارفه اقول ايه ...... المظاهرات اللى قدام سفارتنا بره

وكاننا شركاء فى تلك الفعله .....

يارب نتبراء منهم حكام وحكومات متواطأه ......

صبرا آل غزه .....الفجر آتى لا محاله بنا او بغيرنا آتى

بعض الوسائل لمساندة اهلنا فى غزه (من احد المدونات )

1. فممكن تخصيص عدد من ركعات القيام للدعاء لغزه
2. تفعيل المقاطعه
3. التبرع (عنييات او فلوس)
4. نشر الصور والمواضيع عن المجازر
5. عبر الفيس بوك والمدونات والمنتديات بصوره متتابعه
6. ويوميه تثبيت مجموعه من الصور على المدونات
7. والتى يكون لها رابط على مواقع متابعه الاحداث ساعه بساعه
8. وسيع دائره النشر بين الاصحاب والاصدقاء وحثهم على التبرع
9. شعارات الايميلات تكون حاجه عن غزه
10. استغلال اى تجمع للحديث عن الوضوع ولم تبرعات والدعاء
11. حث خطباء المساجد على الدعاء الجهرى فى الصلاه ارسال رسائل عبر الموبايل
12. للحث على الدعاء والتبرع والنصره
13. مكالمه تليفونيه لاهلينا فى غزة لرفع روحهم المعنويه ...
    
    

تخاريف

؟؟؟؟؟ماذا تقول لك مرآتك
من السهل ان تمسك مرآه وتنظر اليها لترى وجهك بها ,
قد ترى صوره وتظهر على المرآه

صورة اخرى ليست هى ما ترى ..... او ان ترى صوره

قريبة الشبه من صورتك ....او قد ترها فعلا كما هى ..... لكن

هل هى نفس الصوره التى يراها الناس .... قد يقول احدهم

ليست نظرات الناس هى ما اريد ...... بالطبع ليست هى ما اريد

......لكنك لا تنظر دائما للمرآه و ينظر الناس اليك

اكثرمما تنظر للمرآه ..... او تنتظر ان يكون احد الناس

هو مرآتك فيهديك زوايا غير مرئيه فى مرأتك .... اما ان

تنظر الى مرآه خادعه ترى صوره جميله
تعلم ما بها من رتوش تحتاج للاصلاح ......لكن المرآه فاضحه
كشفت كل العيوب .......ولم تنبهك للخطر ....

وانت ماذا تقول لك مرآتك؟؟؟؟؟,
*******************

عندما تذهب

بنفسك للعاصفه
وتغير مجرى المياه الهادئه
وتعبر بسفينتك الى المحيط
فعليك ان تتحمل كسر شراعك
كل دقيقه بل عليك اصلاحه بطريقه تجعله اقوى
امام عواصف ورياح الحياه
اما ان تستسلم وترفع رايه الفشل

***********************
اناس اناس اناس
ملىء الحياة بالناس
وفى كل لحظه تقابل وتفارق من الناس
وكل يوم تتعلم شىء جديد .......عن الناس

ليتنى استطيع ان ارحل بعيدا عن كل الناس
لكنى لن استطيع فانا من الناس
****************

قلبى الحزين

ستعود .....ستعود للحياه

ستعود اقوى

يكفى ان قلبا بجوارك وهبه الله ليحبك

انت بكل مافيك

وبكل ما تحمل

وعاهدك ان يظل بجانبك مهما حدث

فلا تحزن

هل خلقت حواء لعمارة آدم ؟؟؟؟

دور المرأة في الحياة أو ربما في مجتمعاتنا

-كما يصوره بعض الناس- على أنه دور تكميلي ثانوي،

وكأن آدم هو الأصل وحواء هي ديكور الحياة أو وسيلة ترفيه له وفقط،

أو أن العلاقة بآدم هي علاقة مسكونة بالصراع والتحكم والاستبداد

والإلغاء للمرأة واحتياجاتها وطموحاتها.
ربما يكون هذا هو تصور بعض الناس أو كثير من الناس

ولكنه ليس بالضرورة التصور الديني الصحيح،

وليس بالتصور الإنساني السليم؛ فالله سبحانه وتعالى خلق آدم وحواء متساويين

في الحقوق ومختلفين في الأدوار، وكلاهما مكلف بالعبادة لله التي من ضمنها عمارة الكون،

وكل يعمر الكون من خلال طبيعته وملكاته،

وليس متصورا أن الله العادل يخلق الرجل كمنتج درجة أولى

والمرأة كمنتج درجة ثانية، تعالى الله عن هذا الجور وهذا العبث.

وربما لا يكفي نطاق هذه الرسالة لتتبع وذكر الآيات التي تعطي لكل من الرجل والمرأة حقهما،

ولكن يمكن الرجوع إلى ذلك في آيات كثيرة في القرآن الكريم.
والعلاقة بآدم تحت ظلال الإيمان لا تحمل ذلك النوع من الصراع

الذي يتحدث عنه من افتقدوا نعمة الإيمان؛

لأن الله سبحانه قد جعل تلك العلاقة قائمة على ثلاثة أركان هي السكن والمودة والرحمة،

وهى أشياء تضمن السعادة للطرفين ليس فقط في الدنيا، وإنما أيضا في الآخرة.
والحب في كنف الأسرة المسلمة شيء لا يوصف؛

لأنه يربط الدنيا بالآخرة ويربط الأرض بالسماء،

ويتيح آفاقا من الاستمتاع الحلال لا يدانيه شيء في الدنيا.

ومن نعم الله أن كلا الزوجين يُؤْجَرَان على حسن العلاقة

ويؤجران على ما يستمتعان به معا،

ويؤجران على تربية الأبناء، ويفرحان بهم في الدنيا والآخرة.
هذه هي قصة الحياة، وقصة العلاقة بين آدم وحواء

كما علمنا إياها ديننا الحنيف، ولهذا فنحن نسعى لإقامة الحياة الزوجية

والحياة الأسرية كجزء من عبادتنا لله وعمارتنا للكون.

من مشاكل وحلول اسلام اون لاين

ان العين لتدمع وان القلب ليحزن

وإنا لفراقك يا هند لمحزنون

مازلت اذكر يوم تقابلنا لاول مره

مازلت اذكر كيف تصادقنا

مازلت اذكر كيف لعبنا ...و مرحنا ...و لهونا ....وتشاجرنا .....وتصافينا

ولازلت اذكر

بعد ان باعدت بيننا المسافات

كيف عدنا .....عدنا كبار باحلام كبيره .....

لازلت اذكر بسماتك ...وضحكاتك .....ومرحك ....

لازلت اذكر وسأظل .....

فليس لى غير الذكرى تصبرنى على فراقك

وداعا صديقتى وداعا

والى لقاء فى جنة الرحمن ........

اللهم اجرنا فى مصيبتنا واخلفنا خيرا منها

احبك يا هند احبك يا صديقتى...

حل الواجب

اهلا زوارى الكرام

جميل ان ارجع بتاج

كنت هكتب بوست عن الفتره اللى عدت لانها فتره غيرت كتير من حياتى

ان شاء الله مش هعديها من غير بوست عنها

لكن دلوقت ...وقت الواجب وانتم عارفين لا تؤجل عمل اليوم الى الغد

ونبداء ......بسم الله الرحمن الرحيم





س :ـ أذكر اسم من طلب الواجب؟

بنت ابيها السكره ....

من يوم ما اتعرفت عليها وهى بتمدنى بالنشاط

ربنا يديم عليها ......ويفرحنا بيها عن قريب ان شاء الله .

س :ـ 6 أًٍسرار لا يعلمها من يقابلني لأول مره؟

مش شايفين ان 6كتير شويه

طيب نشوف

1) اسمى..... طبعا ...من يقابلنى لاول مره لا يعلم اسمى بالطبع ...

2)انى خريجه من فتره ...كتير بيفتكرونى لسه فى المدرسه

وخاصة لو لبست فى النهار جيب كوحلى وخمار ابيض ...واول ما بيعرفو

بيصولى بصه غريبه شويه ...

3)انى متزوجه واعول ....محدش بيصدق المعلومه دى ...

4)العصبيه ....مش عارفه الفكره الغلط دى وصلتهم منين
مين قال انى هاديه ....

غير كده انا واضحه وصريحه ولما تقابلينى سهل تعرفى عنى كل حاجه

س:ـ 6 مدونون أوجه لهم الدعوه مع الروابط +توجيه الدعوة؟
الدعوه لكل زائر لمدونتى ....

-------------------------------
انتظرونى قريبا فى بوست جديد

هل الحب اقناع

زوارى الكرام

اعتذر لكل من دخل مدونتى

لمشاركتى تدويناتى وافكارى

ولم يجد جديد .....

كنت بردو بمتحن

زى السمه اللى سايده فى معظم المدونات هذا الوقت

والحمد لله خلصت ونجحت كمان

ولله الحمد

واليكم تدوينه جديده

**********************************

هل الحب اقناع

كلنا يؤمن انه احساس

عندما يخفق القلب فرحا مسرورا بألفة من أحب

عندما تكون انت الحياه ....انت النسيم ....انت الروح ....لمن تحب

عندما تكون روحه التى تقاسمه حتى انفاسه .....عندما لا تحلو الحياه بدونك

عندما يشعر بالالم فى نفس لحظة تألمك .....عندما تضيق عليه الدنيا وتخنقه انفاسه

لاحساسه بضيقك....

هل تحتاج لاقناعك بحبه لك

اتستطيع البلاغه والجمل الانشائيه البلاغيه وحدها ان تعبر وتبرهن على الحب ...

اما تحتاج لاقناع فعلى ....

فهل الحب اقناع؟؟

فرح غير اسلامى

الاسلام غيرنى تكيـــــــــــــــــــــر

له فضل عليـا كبيــــــــــــــــــــــــــــر

خلانـــى اشوووووووف اشوووف النووور

حســـــسينى بطـعم الخيـــــــــــــــــــــــــــــــــــر

اه والله حسسنى بطعم الخير

حضرت فرح غير اسلامى

عرفت وايقنت بنعمه الفرح الاسلامى

العروسه عايزه تفرح .......وماله ..ده يوم فرحها ولازم تفرح

واصحابها عايزين يفرحوا ......وماله...دى صاحبتهم ولازم يفرحولها

واقارب العروسه عايزين يفرحوا ....وماله ...لازم يفرحوا ويفرحوها.

طب هو الفرح الاسلامى مفيهوش كل الفرح ده

ولا لازم الفرح بالاختلاط ........والشباب والبنات خلطبيتا

والاغانى ........كله كوم والاغانى كوم تانى خالص

الاغانى ....اى عاقل يشغل ودانه هيقول على طول انه حفل عزاء .....لان كل الكلام

لايمت للفرح بصله ...كله عن الفراق والعذاب والبعاد والجراح ......

ولا هى دربكه والسلام ....

هواحنا بردو مش بنفرح ......ولا افراحنا دى مش افراح ....

وانا قاعده فى الفرح افتكرت يوم فرحى

وسئلت نفسى سؤال؟؟؟؟

هو انا مفرحتش زى العروسه دى ....وصحباتى مفرحوش زى صحباتها

بالعكس انا فرحت اكتر منها لانى كنت واخده راحتى انا وسط اخواتى وصحباتى وقريباتى

لا شاب ولا راجل يبص كده ولا كده .....لانهم كانو مشغولين مع العريس

واصحابى كانوا مبسوطين وفرحانين اكتر من اصحابها .......والكل فرح .

بس الفرق

انك فى الاسلامى بتفرح وبترضى ربنا

اما الغير اسلامى فانت بتفرح والله اعلم بحالك معاه

لوكنت مقبل على الزواج وهتعمل فرح فكر الف مره

هتفرح وترضى ربنا ......ولا هتفرح وخلاص

مرت سنه

مرت سنه .....بكل ما فيها مرت

بأيامها ولياليها ...........مرت

وبأفراحها واحزانها .....مرت

بألامها وضحكاتها ......مرت

مرت والحمد لله انها ....مرت

هدايا العام الماضى ...كانت رسائل .....لاتعلم ..لافهم .....معانى جديده من معانى الحياه

علمتنى :

انه مهما يكن ما انت فيه بالتاكيد افضل من غيرك بكثير .

احذر ما تتمناه .

فكرتى هى اعظم فكره ,واعظم دعوه.

الاخوه معنى رائع , ان وجدتها فتمسك بها بقوه ....

لاتظلم ابدا ....وان ظلمك القريب ..

ان الحب ليس كلمه ...رياح الشده

تهشم الكلمه الجوفاء......

ليظهر جوهرها الحقيقى....

**************************

مرت سنه

والحمد لله .....استقبل عاما جديدا

ادعو الله ان يكون افضل من العام الماضى

*****************************************

رسائل ارسلها من مدونتى لاحبتى:

زوجى الغالى

حفظك الله ورعاك وادام لى حبك وطيبه قلبك

ابى الغالى

ادام عليك الصحه والعافيه ...وربنا يخليك لينا ولمرضاك.

امى الحبيبه

دايما يارب فى نجاح ومن نجاح الى نجاح ......بجد انا فخوره بيكى

ابنى اياد ...

ربنا يخليك ليا ولباباك وتملى علينا البيت فرحه وسعاده دايما

اخوتى

بحبكم كلكم وبالاخص اخر العنقود.

تؤمى

كل سنه وانت دايما طيبه

حتى وانت بعيده برده بتسبقينى ......

يارب ترجعيلنا بالف سلامه

انـــــــــــــــــــــــــــا

كل سنــــــــــــــــــــــه وانـــــــــــــا طيبــــــــــــــــــــــــــه

انا انا

هتعمل ايه لو ابنك مسك زماره وقعد يزمر بيها
لحد ما ودانك اتخرمت ؟؟

بكل هدوووؤ.....

سيبه يزمر ..وقولو يزمر كمان

فى فتره اقصر من اللى دايما بيحصل فى الحالات دى هتلاقيه بطل لوحده
طب تخيل انك عملت العادى اللى بيحصل فى بيوتنا كلها فى حاجه زى دى
انك هتقوله بس يا ولد ....هيسكت لحظه انتباهك ....وهيزمر تانى ...
هتقوله تانى بطل ياولد يمكن المره دى بلهجه اشد ونظره اطول .......هيسكت ......
وبمجرد انصراف نظرك عنه......هيزمر تانى ....
ويطلع منك طاقه نرفزه وافكار سلبيه هتدور فى دماغك ....ايه ده الولد مش بيسمع كلامى
وندخل فى موجه عناد بين الاب والابن ....
ممكن ميكنش الطفل عندى بطابعه بس عجبته اللعبه .....(بابا بينتبه لى اول ما بزمر .....انا هزمر تانى عشان يجرى وراى ونلعب ")
ومممكن ده اللى يدور فى ذهن طفلك .....

لكن الفكره فى التزمير مكانتش كده فى الاصل بس تحولت للعبه ومحاوله لاثاره انتباه الجالسين
كانت الفكره محاولت استكشاف للبيئه .....هو ادى البيئه مثير ومستنى استجابة البيئه بما فيها من اشخاص

بعد استشاره معالج نفسى ....قال افضل علاج ...اهمال السلوك (سيبه يزمر ....)
هو كان عايز بس يعرف لما يزمر ايه اللى هيحصل ...طب لوكمل وفضل يزمر ايه اللى هيحصل ....


*************

نبقى هنتجنن لو طفلنا اخر فى الكلام .....وبنبقى فى غاية السعاده لما ينطق اول كلامه ...بابا وماما
ونروح للدكاتره لما يأخر شويه فى المشى .....واول ما بيمشى بنبقى فى غاية البهجه والفرحه بالمنضم جديدا فى ركب السائرين ....وفرحانين بيه وهو مالى الدنيا جرى ....رايح جاى ...

وبعد فتره ....اقعد يا ولد ....بطل حركه ياولد ....كفايه نكش وحركه .....
اسكت ياولد .......اقعد ساكت .....كفايه رغى ......انت رغاى كده ليه ..........

الكل نفسه ابنه يكون احسن واحد فى الدنيا
بس مش عايزين نتعب شويه فى تربيته .....


انا .....انا .....
درست المرحله دى اثناء دراستى فى الكليه ..ومن يوم مادرستها وانا شايله همها ......
لما يجى ابنى ولا بنتى ويبدؤ المرحله دى ......هعمل ايه معاهم .....يا ترى هقدر عليهم ...انا عصبيه وعنديه ...
واسيبهم ينكوشو ا كده وانا واقفه اتفرج......

مرحله انا انا بإختصار
الطفل بيكون اكتشف ايديه ورجليه وعرف نوعا ما الزاى يستخدمهم ....فبيحاول يقلد الكبار فى استخدامهم
مثلا ...انا انا افتح الباب .....انا انا ارد على التليفون ....انا انا البس وحدى .....انا انا اكل لوحدى
وهكذا ....

برغم من ان سن هذه المرحله هو اكبر من سن اياد الحالى ....بس انا ابنى سابق سنه
المهم دخلنا المرحله دى .....
واول صدمه قابلتها وانا داخله وراه .....

شرب الزبادى ....اقصد اكل الزبادى اللى تحول الى شرب فيما بعد
انا انا .....وعملا بما سبق دراسته وبكلام الدكتور ( المعالج النفسى ) سيبته ....مسك المعلقه وعلبة الزبادى ....
بدء يتجول وهو بياكل الزبادى .......بالطيع كنت هعيط على السجاد اللى بداء يقع عليه الزبادى
حاولت اهدىء نفسى ......ايه يعنى ....مش مشكله ......هنظفه لما يخلص .....بس المهم انه يتعلم حاجه جديده

مقدرتش امسك نفسى واستنى الباشا لما يخلص ....وجريت جبت فرشة السجاد ومشيت وراه انظف ما افسده
وبعد محاولات فى اقناعه فى الجلوس فى مكان للاكل ...تم حصر المناطق المتبهدله .....

وبعد معركه اكل الزبادى لقى ان المعلقه ممكن تكون مخرومه ومش بتوصل الاكل لفمه الصغير
فالاحسن شرب ما تبقى ......

تعلمنا ....

تعلمت .....

-اسيبه يستكشف ويجرب ....بس تحت عينى وملحظتى..

-تعلـــــــــــــــــــــــمت ان ابنى اهم طبعا من السجاد......
-ان كليتى ودخولها كان توفيق من الهى احمده واشكره

لانى استفدت منها جامد مع ابنى .....................
واتمنى كل ام تدرس مناهج الطفوله ورياض الاطفال ..

اما اياد
*فتعلم من بعد التجربه انه اما يشرب الزبادى
*او يسيب ماما حبيبته تأكله وهو زى الباشا ..

الزماره

لو ابنك مسك زماره

وقعد يزمر بيها ....يزمر بيها ...يزمر بيها....

لحد ما ودانك اتخرمت .....

هتعمل ايه ؟؟؟

ملحوظه :هو لسه بيزمر بردو .......

بنى سويف زحمه

تدوينتى على مدونتنا الجماعيه

شخابيط سويفيه

------------------

غريبــــــــــة

غـريـبه...........

نشوف ال 10 جنيه كبيرة جدا عندما نأخذها إلى المسجد

وصغيرة جداً عندما نأخذها إلى السوق.

غـريـبه..........

أننا نرى ساعة في طاعة الله طويلة

ولكن ماأسرع التسعون دقيقة في لعب كرة القدم

أو ثلاث ساعات على النت....

غـريـبه.........

نرى أنه من المجهد قراءة جزء من القرآن الكريم

ونرى أنه من السهل قراءة رواية مختارة من 200 إلى 300 صفحة؟

غـريـبه..........

أننا نتقبل ونصدق ما تقوله الجرائد

ولكن نتساءل عن ما يقوله القرآن الكريم؟!!.

الحمد لله

(لو بسط الله الرزق لعباده لبغو فى الارض ولكن ينزل بقدر ما يشاء انه بعباده خبير بصير*

وهو الذى ينزل الغيث من بعد ما قنطو وينشر رحمته وهو الولى الحميد*)

الحمــــــــــــــد لله

(ومن اياته خلق السموات والارض ومابث فيهما من دابة وهو على جمعهم اذا يشاء قدير*)

سبحانك يــــــــــــــــــــــارب

(ومااصابكم من مصيبة فبما كسبت ايديكم ويعفو عن كثير *

وما انتم بمعجزين فى الارض ومالكم من دون الله من ولى ولا نصير* )

لك الحمد يارب كما ينبغى لجلال وجهك

وعظيم سلطانك

الخط العربى

رغم ان الخط العربى
ورسم الخطوط ليست من اهتماماتى ....

لكن لا مانع ابدا من تعلمه وتعلم فنه
بعد الجمله اللى قالتها لى امى "ليه متتعلميش الخط العربى ...."
دار الموضوع فى ذهنى
ليه لأ ...
الواحد هيتعلم حاجه جديده ممكن يفيد بيها غيره
الشعور بالسعاده لتعلم شىء جديد
وسيله للحفاظ على لغتنا العربيه ...طبعا هى مش هتنقرض لانها محفوظه
بحفظ القران الكريم ....
واشتغل قانون الجذب
وظهر مره واحده ناس كتير اعرفهم
دخلو المعهد ده او اتخرجو منه او بيدرسوا فيه
ده حتى مدونة حبيبتى حطم قيودك

الحروف والكلام شكله حلو اوى على السبوره
بس شكله شنيع فى كراستى
يارب خطى يتحسن ويبقى شىء من هذا القبيل

اياد فى القاهره

هى دى مصر يا عبله

مين عبله دى ؟؟؟ ما علينا ....

سافرنا فى رحله اسريه الى القاهره -مصر ام الدنيا -شىء مش جديد

هو صحيح انا زياراتى لمصر مش كتير بس دى كان ليها طابع خاص ...

والجديد المره دى ان دى اول زياره للبشمهندس اياد للقاهره ...

وشاف حاجات كتير شاف العماير العاليه والعربيات الكتيـــــــــــــــــــــــــــره اوى
اللى خلتنا طبعا منفكرش نسيبه يمشى جنينا زى ما بنمشى فى بنى سويف

بداءنا الرحله فى الصباح الباكر وبعد ما لبسنا انا وباباه وصحيت اياد

اللى كان نفسه يضربنى لانى ازعجت سيادته وصحيته من النوم بدرى
لولا انه فتح عينيه لقى نفسه فى الشارع فعرف الحمد لله اننا خارجين
وكانت دى الحسنه اللى غفرلنا بيها ....

وفى الموقف انتظرنا عمة اياد وابن عمة اياد اللى كانو متجهين معانا للقاهره

ولما وصلو فوجئنا بان البشمهندس اياد وابن عمته نور الدين لابسين زى بعض

بالظبط وكأن بنى سويف نزلها كساء شعبى للاطفال ॥

وركبنا الميكروباص ووصلنا الحمد لله للقاهره بس
غلطنا غلطه بسيطه

ان لما زوجى نام فى الميكروباص مصحتهوش فور وصولنا للقاهره

ولما صحيناه كان المكان اللى المفروض ننزل فيه عدا

نزلنا فى مكان طبعا ابعد ومحتاج اكتر من مواصله عشان نوصل للمكان اللى ريحينه ....

اضطررنا طبعا لخوض معركة الموصلات

لان كان عددنا ميكفيش تاكس ومينفعش تاكسين عشان محدش فينا يعرف الطريق غير زوجى......

الحمد لله مشيينا وبعدينا ركبنا اتوبيس

مش عارفه ليه بتوع الافلام والمسلسلات بيشوهو صورة الاتوبيسات

يطلعوهلنا ديما زحمة والناس راكبه فوق بعضها

॥ ما الاتوبيس اللى ركبته كان رايق وفى اماكن فاضيه كمان ...

(ده كان راى الصبح اللى اتغير على بالليل )
نزلنا ومشينا لحد محطة المترو ॥

طبعا كانت اول مره لاياد انه يركب معانا المترو وعجبته اوى السلالم الكهربائيه

بعد المترو مشينا برده بس الحمد لله ماكنش بعدها اى موصله

ووصلنا بالسلامه المكان اللى كنا ريحينه
طبعا قلت فى نفسى فينك يا بنى سويف يا حبيبتى

فى هدؤك وموصلاتك السهله حتى منغير موصلات ممكن تلف البلد كلها ...

ربنا يعين سكان القاهره

بالليل فى رحلة العوده الحمد لله كانت مواصله واحده لحد المكيروباص كانت المترو

مركبتش طبعا فى عربة النساء عشان انا اصلا معرفش اسم المحطه اللى هننزل فيها واخدتها من قاصرها

وركبنا مع زوجى والحمد لله لقيت مكان قعدت فيه ومعايا اياد

وقفت جانبى بنوته اموره اوى شعرها اصفر ولابسه سلوبت عسلى لون عنيها بالظبط

وباباها كان قاعد بعيد عنها شويه عمال يقولها تعالى اقعدى وهيه تعمل براسها لا...

وبعد شويه راحتله وهى معديه من جانبى خبطت فى اياد ...

।رجعت تانى وقالت لاياد معلش .... وراحت لباباها ....

وقعد يتكلم معاها سألها مين نزلك الشارع ؟...

البنوته:انا نزلت لوحدى ...انا مش بخاف من السارع
انا نزلت عسان الايس كليم ....بس مس لقيت كله حلاوه حلاوه .....
باباها : وليه تنزلى لوحدك ...
البنوته: انا ساطره مس بتوه ....بتوه بالليل بس ....
استمعت الحواركله بنوته عسوله بس نص الحروف ضايعه
وقبل وصول المترو للمحطه التاليه باباها اخدها ووقفوا قدام الباب
فجأه لقيتها ميلت نحيتى ووشوشتنى وقالتلى :( على فكره انا اسمى فاطمه ................)
المترو وقف والباب اتفتح وشدها باباها من ايديها وخرجوا من المترو قبل متكملى كلامها ....
اشمعنى انا اللى اخصتنى بالكلام
يمكن حست انى كنت بسمعها ......

من قديم الزمان

يحكى أن مستشارا دخل على مولاه فوجده مستغرقا في التفكير،

فسأله عما يهمه،

فقال: أريد أن أفرض ضريبة على البنجر.. السكر.. بقيمة 10%

لتمويل خزائني التي تكاد تفرغ،وأفكر كيف سيتقبل الناس هذا القرار

قال المستشار: دع الأمر لي يا مولاي

.*******.

جمع المستشار أعوانه،

وطلب منهم أن يبثوا في الأسواق إشاعات

بأن الحاكم ينوي فرض ضريبة بمقدار 50% على البنجر واللحم والتمر والقمح والشعير

.. فضج الناس، وأخذوا ينتقدون الأمر علنا،

وبدأوا يعبّرون عن سخطهم وعدم رضاهم..

وكان الأعوان ينقلون ما يحدث في الأسواق وما يقوله العامة للمستشار أولا بأول

وفي الأسبوع الثاني

طلب المستشار من أعوانه بث إشاعة تؤكد الإشاعة الأولى،

وأضاف عليها أن بعض المستشارين هم من أشاروا على الحاكم بهذا الأمر،

وأن القرار سيصدر قريبا جدا

أخذ الناس يقلبون الأمر،

ويقولون: الضريبة مرتفعة جدا، ومن الظلم أن تدفع على جميع هذه الأصناف،

لو كانت 10 أو حتى 15%، أو لو كانت على صنف واحد لهان الأمر

عندها ذهب المستشار إلى الحاكم وقال: مولاي، الآن أصدر الأمر بفرض الضريبة..

ودعني أعد صياغة القرار

كتب المستشار: تلبية لرغبات شعبنا الكريم،

ونزولا عند رأيهم،

فقد قررنا عدم الإنصات لمستشاري السوء

الذين سعوا إلى إثقال كاهل المواطنين بالضرائب الكثيرة،

واكتفينا بفرض ضريبة بسيطة بمقدار 12% على مادة البنجر

فتنفس الناس الصعداء وضجوا بالثناء والدعاء للحاكم الحكيم الذي يراعي شعبه،

ولا يثقل كاهلهم بالضرائب الفاحشة.

*******

.هذا ما حدث في قديم الزمان.. ومازال يحدث

.*******

من مجموعة د. طارق فاروق

كن زوجا عظيما

كلما عظم شأن الزوجه ..

دل ذلك على نبل زوجها وعظيم خلقه...

استوقفتنى تلك الجمله وتذكرت جمله شبيهه لها ,

الكل يعرفها ....(وراء كل رجل عظيم امرأه ....)والبعض يكملها ....بامرأه عظيمه

بالطبع فهى ان لم تكن عظيمه لم تدفع بصاحبها الى النجاح ...

ولكن لما لايدفع صاحبنا صاحبته (زوجته)الى الامام والنجاح

لما لا ننجح سويا ...لما لا ننضج سويا ......

ثقافتنا وموروثاتنا دعت بأن تقف المرأه دئما مكان الجندى المجهول ...

ما وراء كاميرا الحياه.......

ربما يعود ذلك الى خوف الرجل ....

والخوف هنا يتعدد ...

فمنهم من يخاف ان تنازعه المراه نجاحه فتنجح فيما فشل فيه

او تتقدم عليه فى نفس مجاله فتسرق الاضواء منه

او منهم من يخاف ان تقصر الزوجه الام فى واجباتها ومسئوليتها كأم وزوجه

لكن لما الخوف دون التجربه ..دون المساعده ...دون المسانده

اليست هذه الزوجه من تقف دائما بجانبك تدفع بك دائما للامام ....تساند وتساعد

فالننظر حولنا سنجد سيدات ناجحات نجحن فى الاثنين معا

فهى ام حنون وزوجه رائعه وسيده ناجحه فى مجالها ..

لا اقصد مجلات العمل فحسب ..فالنجاح بالطبع لايقتصر على العمل

فهناك الفنون والادب وغيرها

ساعد زوجتك ان تجد مجالا محبوبا لديها تبدع فيه وتنجح

وتقدم لنا شيئا عظيما ..

وساعدها ان توازن وتتوازن

فتكون زوج نبيل وعظيم الخلق

فكلما عظم شأن الزوجه دل ذلك على

نبـــــــل زوجها وعظيـــــــم خلقه

الف مبرو يا مصر

طبعا طبعا البوست متأخر

بس النت عملها وفصل

المهم انى حبيت انقل لكم فرحة اهل بلدى
بنى سويف بالفوز وكاس افريقيا

الف مبروك يا مصر

دى اول مره اشوف ماتش كوره بالكامل

لا.....عشان مكذبش عليكم ...تانى مره

المره الاولى برده كان ماتش النهائى فى بطولة افريقيا

على ما اتذكر كان سنة 98

والمره دى اتفرجت على الماتش كله برغم انى لا اهوى كرة القدم بالتحديد

غير انى استمتعت بالماتش ....وشوفت الفرحه من اللاعيبه ومن الناس فى كل مصر

وفى بلدى بنى سويف

فرحونى اكتر

الناس دى بذلت اقصى ما فى وسعها

انا كنت بشوف اللاعب يقع ويقوم ويحارب عشان الكره متضعش منه

والكل متعاون والهدف واحد

والجمهور كله على كلمه واحده

ليه برده مش بنشجع اللعبه الحلوه فى كل حاجه ...

ليه حماسنا ومثابرتنا فى الكوره بس ....

ليه الناس اتجمعت على دى وبس ....

ليه مش بنفرح كده ...

لاى حاجه تانيه حلوه فى بلدنا....

ليه مش بنبقى على كلمه واحده كلنا زى ما كنا على كلمه واحده واحنا بنشجع مصر...

اتمنيت وانا راجعه بيتى بعد الماتش

وانا شايفه الفرحه فى كل الناس

انها تكون فرحتنا

برجوع كل بلد راحت مننا

انها تكون فرحه بأولادنا اللى فى غزه يوم ماينامو فى بيوتهم

مش جعانين ....مش بردنين ....مش خايفين .....

يارب زى ما فرحتنا فرحهم

شكرا منتخب مصر ادخلتم البهجه على قلوبنا

شكرا ابو تريكه

تعاطفك مع غزه

الصورمنhttp://www.swefonline.com

الف مبروك

بعد انقطاع عن التدوين

اللى هما يعنى كام تدوينه كده على أدى

قلت فرصه ارجع بالمناسبه دى

الف الف مبروك حبيبتى

مولوووووووتوف

الف مبروك د/ شذى

على العقد وعقبال البناء

بارك الله لكما وبارك عليكما وجمع بينكما فى خير