الاسلام غيرنى تكيـــــــــــــــــــــر
له فضل عليـا كبيــــــــــــــــــــــــــــر
خلانـــى اشوووووووف اشوووف النووور
حســـــسينى بطـعم الخيـــــــــــــــــــــــــــــــــــر
اه والله حسسنى بطعم الخير
حضرت فرح غير اسلامى
عرفت وايقنت بنعمه الفرح الاسلامى
العروسه عايزه تفرح .......وماله ..ده يوم فرحها ولازم تفرح
واصحابها عايزين يفرحوا ......وماله...دى صاحبتهم ولازم يفرحولها
واقارب العروسه عايزين يفرحوا ....وماله ...لازم يفرحوا ويفرحوها.
طب هو الفرح الاسلامى مفيهوش كل الفرح ده
ولا لازم الفرح بالاختلاط ........والشباب والبنات خلطبيتا
والاغانى ........كله كوم والاغانى كوم تانى خالص
الاغانى ....اى عاقل يشغل ودانه هيقول على طول انه حفل عزاء .....لان كل الكلام
لايمت للفرح بصله ...كله عن الفراق والعذاب والبعاد والجراح ......
ولا هى دربكه والسلام ....
هواحنا بردو مش بنفرح ......ولا افراحنا دى مش افراح ....
وانا قاعده فى الفرح افتكرت يوم فرحى
وسئلت نفسى سؤال؟؟؟؟
هو انا مفرحتش زى العروسه دى ....وصحباتى مفرحوش زى صحباتها
بالعكس انا فرحت اكتر منها لانى كنت واخده راحتى انا وسط اخواتى وصحباتى وقريباتى
لا شاب ولا راجل يبص كده ولا كده .....لانهم كانو مشغولين مع العريس
واصحابى كانوا مبسوطين وفرحانين اكتر من اصحابها .......والكل فرح .
بس الفرق
انك فى الاسلامى بتفرح وبترضى ربنا
اما الغير اسلامى فانت بتفرح والله اعلم بحالك معاه
لوكنت مقبل على الزواج وهتعمل فرح فكر الف مره
هتفرح وترضى ربنا ......ولا هتفرح وخلاص
هو ده جمال اسلامنا الوسطي الجميل
ردحذفان كل حاجه فيه حلوة ولها طعم تاني من غير ما نغضب ربنا ونعصيه
ياريت كل الناس تعمل افراحها كده
ساعتها هاتبقى الفرحة فرحتين
امتى بقى ؟؟؟؟؟؟؟؟
تحياتي
فعلا الحمد لله على نعمه الكثيرة
ردحذفالناس فعلا محتاجة بس تجرب
وكله كوم واغاني الافراح دي فعلا كوم تاني
اللى تحسسك انك مش في فرح خالص ... والكل بيحبها على ايه مش عارفة
السلام عليكم
ردحذفاولا انا بحب جدا الافراح الاسلاميه
وكان نفسى يكون فرحى كده
بس محدش عطانى فرصه
على اساس برضوا احنا عايزين نفرح
تحياتى لكى
صاحب المضيفه
ردحذففعلا هو ده جمال اسلامنا الوسطى
انا برده فى انتظار ده
شكرا على المرور
بنت ابيها ...يا مرحبا
ردحذفالناس محتاجه تشوف الهدف من الافراح دى قدام عنيها ....هى هترضى ربنا ولا لا
انا بردو مش عارفه بيحبو الاغانى دى على ايه ......
دنيتى الجميله
ردحذفشرفتى يا فندم بالزياره الجميله
ان شاء الله ربنا يعوضك بافراح اولادك
وتعمليه اسلامى وتعرفيهم الفرح الزاى
جوزيتى خيرا
تدوينه جميله ياام اياد
ردحذفعارفه عشان نبقى منصفين ... لازم ندور على الحاجه اللى تجذب الناس للافراح الاسلاميه بالشكل اللى ميخليناش نتنازل عن ثوابتنا وف نفس الوقت نقدملهم اللى يعجبهم
معادله صعبه
بس انا معاكى تماما ان اغانى الافراح العاديه خاليه من كل شيء...مجرد دربكه فعلا...
جزيتى خييييرا
حطم القيود
ردحذفيارب بالنجاح دايما حبيبتى
فى ايه اكتر من ان اغانينا الاسلاميه بقى فيها بعض الدربكه والموسيقى العاليه
تحياتى ليك ولوالدك