اطفال اليوم قشطة وماشى يا باشا

بنفرح كتيير لما نشوف اطفال ونحب نشوف مشيتهم وحركتهم
وجريهم ولعبهم وابتسامتهم وضحكهم وفهمهم البسيط لكل حاجه
وتفسير الامور بعقولهم الصغيره تفسيرات تااااااااااااااانية خالص ..
وبنحب نتكلم معاهم ونضحك على تعبيراتهم ونطقهم الجميل والغريب للكلام
وشقلبة حروف الكلمه من اليمين للشمال ومن الشمال لليمين ....

اطفال اليوم عندهم كلمات جديده خالص وتعبيرات مختلفه تماما
جديده على عهدنا بكلام الاطفال
ومختلفه عن تعبيرات وكلام اطفال زمان

اليكم بعض تعبيرات الاطفال هذا العام
طفل يحدث صديقه وفى اخر الحديث يقول ( ماشى يا باشا )
واخر يطلب من زميله شىء فيتأخر فى اعطائه فيقول ( اخلص يا عم الحج )
واخرى مثل ..(يا برنس ) ...(قشطة ) ...
وحين تسأل المعلمة طفلا ما اسمك ؟؟ لكم ان تتوقعوا ماهى الاجابة
لا ليست اسمه بالتأكيد
الاجابة كانت ....اشاح بيده وقال ( اسألى حد تانى ..انا مش فاضى انا نعسان )

وبحكم عملى مع هذة الفئة العمرية ومع هؤلاء الصغار
اسمع واقابل يوميا الكثير من تلك التعبيرات الجديده على كونهم اطفال
لكن هؤلاء الاطفال ما هم الا مرآه لعالمنا وثقافتنا وكلامنا نحن الكبار
اذاً ماذا نطلب من اطفال تمر على مسامعهم كل يوم مئات التعبيرات من هذا النوع
فهو اذاً من الطبيعى تحدثهم به واتخاذهم لها لغة يجيدونها

وعلى الجانب الاخر كنت اظن ان قنوات الاطفال كارتون تضر اكثر مما تنفع
لكننى وجدت لها فائدة كبيره وهى ان الاطفال الذين يشاهدون تلك القنوات
يتحدثون اللغه العربية الفصحى جيدا ولا يخجلون من نطقها وكأنهم يعلمون انها هى الأصح
فتلك البرامج ساعدت الاطفال على اخراج الحروف من مخارجها الصحيحه
دون عناء منا معهم .......طبعا لا تلغى تلك الفائده مخاطر تجرها تلك القنوات ...
عافى الله اولادنا ....

عودة وفرحتين

وحشتييييييييييييينى

وحشتينى يا مدونتى

وحشنى تسجيلى لافكارى وخواطرى فيك ببساطة ومن غير تكلف

رجعتلك ومعايا فرحتين

الاولى بنوتى ريم اللى هكتب عنها اكيد زى ما كتبت عن اخوها اياد

والتانية فرحة العيـــــــــــد


كل سنة وانا وانت واولادى وكل زوارك يا مدونتى بخير وصحة وسعادة

قوية

ظننت انها توقفت وانها عادت تنبض بالحياه وتحطمت كل الامانى وتكسرت كل الاشرع

وتاهت سفينتى

ظننت ان العاصفه والبحر لما هاج قد ابتلعها , فما عاد لها وجود وماعاد لها اثر

لكنها حكمة الاله ان تظل واقفه موجوده باقية

كان لابد ان تبصر وقد ابصرت ان النهار السعيد لن يظل طوال الوقت ..وان الليل المظلم لابد ان يأتى

ولكنها ادركت ان الليل المظلم يخرج من ثناياه فجر مبصر مضىء

ثم من بعدها شمس تملىء الدنيا نور

صحيح ان العاصفه كانت قويه كادت ان تقتلعها وتوقع بها فى اعماق البحر الهائج

وصحيح انها تركت ورائها كسور وجروح لكنها كانت كما ربيتها قويه ...

وتذكرت ان من اوجدها فى الحياه لن يتركها فنظرت وابتسمت ,

فوقفت ولملمت اشلائها وخلعت عباءة الحزن وانتصبت

ومسحت دمعها من خدها ونظرت للامام فبانت فى عينها لمعة الامل .وابتسامة الحياه

قويه كما عهدتها قويه وكما ربيتها قوية فى كل مره اظن انها انكسرت اراها تقف من

جديد ...لكن هذه المره كانت الضربه قويه فظننت ان لن تقوم لها قائمة لكنها جعلتنى

اوقن انها بالفعل قويه

اتعلمون من هى ؟؟؟؟

هى انا نفسى انا ...

قوية يا نفسى بايمانى وثقتى فى الهى وثقتى فى حبه لى ومحبته التى زرعها فى قلوب

المحبين من حولى , قوية بحب ابى وامى ورعايتهم لى

قوية باخوتى وخوفهم على ,

قوية بأهلى واحترامهم لى ,

بأصدقائى وقربهم منى وارتباطهم بى ,

بأخواتى ودعائهم بظهر الغيب لى ,

بأطفالى وتعلقهم بى وحبهم لى ,

بأمهات اطفالى وسعادتهم بى ,

بزملائى ورؤسائى وافتخارهم بى

احمدك واشكرك يالهى قد ارسلت لى رسائل واوضحتها

وجزاه الله خيرا من اعادنى للحياه ...ويكفيه انه عند الله كمن احى الناس جميعا

والان بكل قوة وشجاعة اقولها

وداعا الآآمى

وداعا مصدر احزانى

وداعا لحظات انهيارى

ووداعا للسعادة الواهمه

واهلا بالسعادة الحقيقية كاملة

فينك يا مرايتى

كنت بحب ابص لمرايتى

مش عشان انا
مجنونه ...او مغروره .....ولا حتى عجبانى نفسى

بس لما كنت بصصلها زمان
كانت بترجعلى ثقتى فى نفسى لما تتهز

يمكن عشان كنت بشوف بعنيا نعم ربنا فاشكره عليها
واشعر بعدها برضا
ونسمه صافيه تمر على قلبى
فتحييه من تانى

او يمكن عشان لما ببصلها وشوف نفسى
افتكر انى لسه عايشه
فاحمد ربنا
واخد نفس عميق
وانسى المى وابداء من جديد

فينك يا مرايتى
بجد مفتقداكى
الصوره كتيير مهزوزه

وللاسف كنت فاكره ان ممكن حد يساعدنى عشان اثبت الصوره
لكنى اتعلمت
بجد بعترف انى اتعلمت
انى انا لوحدى
لازم اعدل الصوره

انا لوحدى لازم
اثبت الصوره
مهما اتهزت
لازم ارجع واعدلها

مرايتى كانت بتفكرنى
بحاجات كتير
يمكن هى نفسها رابط شرطى
لحاجات حلوه حصلتلى

ما انا اكيد كنت ببصلها وانا مبسوطه وفرحانه
واكيد مكنتش بطيق نفسى وانا حزينه وزعلانه
فمكنتش بشوف نفسى فيها

محتاجاكى مرايتى
محتاجه اشوف نفسى
محتاجه اشوفها وهى فرحانه
او على الاقل افتكر معاها وقت انبساطها
وفرحها وارتياحها وسعادتها

اكتب ؟؟؟

اكتب

ماذا اكتب

اكتب اشواقا

ام اكتب حروف منثوره

اكتب عن حبا تمنيته

عن شوقا كان يزداد فيقلقنى

عن نبضات صغيره لم تعرف سواه

اكتب عن لخبطتى حين كنت اراه مارا بشارعى

عن صوتى المتقطع ان حادثى قدرا على الهاتف

ام عن قلب كبر وكبر الحب داخله

عن صوره رسمتها ووجدتها

ام اكتب لما حدث

عن حبا لم اكن يوما اتوقعه

عن حنان يفيض لى كل لحظه

عن دقات قلبه التى اسمعها تنادينى

عن حبه

عن حنانه

عن احتوائه

عن ماذا اكتب

كنا سويا على القمر

نلامس النجوم

ننظر لبعضنا

فتتحدث اعيننا بالاشعار

ونحن صامتين نستمع لحديث الاعين

لهمسات قلوبنا

لتعانق اشواقنا

كنا مستمتعين

ثم جاءت

اوقعتنى من قمتى

نظرت الى الارض

ظننت انها النهاية

ان سقطت

وارتطمت

تمزقت

اغمضت عيناى

وانتظرت الالم

او احسست به للحظات

ثم

تغير الاحساس

من الهبوط الى الصعود

واختفى الالم

فتحت عيناى

فرايته يحملنى

ليس الى القمر

كما كنا

الى الجنه

امت انا ؟؟

لا

لكنها جنة الله

التى وضعها فى الارض

للمحبين

فوجدته ملاكا

يطوف حولى

يسحرنى

يمدد يديه

لقلبى

ياخذ آلمى

ويرميه بعيدا عنى

يغزل لى من الفرح والسعاده

ثوبا ابيض اللون

كذاك الذى ارديته

فى مثل تلك الايام

فبداءنا حبنا

فهمت

الان فهمت

اعذرنى ان لم افهم

فانت تعرفنى صغيره

وتعشق براءة صغرى

سأرتديه

لنبداء سويا

اسفه

لنكمل سويا

صرح الحب

الذى بدائناه

صغيره فى بيتنا

استيقظت فى الصباح وفتحت عيناى

فوجدت على السرير بجانبى طفلة صغيره عمرها يلا تجاوز الاشهر

ماذا ؟ابهذه السرعه من مجرد حلم يرودنى فى المساء بأن يرزقنى الله طفل اخر

وتكون بنوته جميله كالقمر فى ليلة التمام تشع نورها من وجهها البرىء

تلعب مع اياد وتكبر فتكون عونى فى كبرى تملىء البيت بهجه بروح البنات

فعلا اكل ما كنت افكر فيه فى المساء وانا على سريرى قبل النوم

حدث بهذه السرعه واجمل ما فيه انه دون تعب الحمل والولاده

احمدك يارب

سرعان ما اخبرونى من هى !!

تنهدت ودعوت الله ان يرزقنى

لكن ما اسعدنى اكثر هو ما وجدته من فعل اياد

كان بالفعل يقيم مهرجان

احتفالا من نوع خاص

خالف توقعى تماما او ربما لعلمه انها ضيفه ولن يطول وجودها بالبيت

جلست وحملتها على اذرعى
وبدا يحدثنى عنها ويعرفنى
" نونو يا ماما .....دى نونو يا ماما ....."
ثم ..." دى ايدها ...دى اديها التانيه .....دى رجلها ودى رجلها التانيه ..."
ياريت تيجى على الايدين والرجلين بس

"يا ماما ..يا ماما ........ودى عينها ..." اخ ..لحد حنا واستوب
خلينا من بعيد احسن
من حكايات كل من اعرف ان عند العنين بيتطور الموضوع شويه
وممكن لا يكتفى بالاشاره من بعيد
وممكن للتأكيد يبقى فى اشاره بادوات اخرى ربما تكون حاده

عدى الشرح بسلام دون اصابات
ودخلنا فى مرحله اخرى
المشاركه

جرى واختفى من امامى لدقائق ثم عاد
يحمل معه
ما استطاعت يداه الصغيرتان على حمله
من العاب
" مكعبات ...على دباديب ...على سيارات صغيره وكبيره .."
وضعهم بجانبها

وجلس يحدثها كى تلعب معه
" حبيبى اياد ...دى لسه صغنونه ..مش هتعرف تلعب معاك "

ربما لم يعى كلمى ....وجرى من امامى مسرعا
ثم عاد معه .......الدراجه
ربما استقر فى تفكيره الصغير انها ان لم تستطع اللعب بالالعاب
ربما تستطيع اللعب بالدراجه او على اقل تقدير تركب خلفه

اشاهده وابتسم

ثم اختفى من امامى ثانية
ظننته مل منها
ولكن هذه المره ...مفجأه

جاء واحضرمعه
كراس الرسم والالوان

وامسكها القلم وقرب اليها الكراس

" .....ارسمى يا نونو ..ارسمى ..." وجلس يشرح لها كيف ترسم
او ماذا ترسم

اخذ القلم من يدها
ووضع يده تحت خده ....ليس ملا وضجر
فهم كالنسيم .....لا يئس ولا ضجر

ولكنها جلسته المفضله
ينام على بطنه ويضع خده على يده اليسرى
ويمسك قلمه والوانه ويستغرق فى الرسم

رسم الصغيره
ورسمنى ورسم بابا
واسترسل فى عالمه المفضل
بين الرسم والالوان

هتعمل اية ؟؟؟.....مش هعمل حاجه

هتعملى لو نمت يوم وصحيت بصيت

وشوفت نفسك فى المرايا بكيت

جواك سؤال تصرخ تقول انا مين ؟؟

انا مين ؟؟

انا زى ما انا ولا اتقسمت اتنين

قول يالى فى المرايا فهمنى ايه الحكاية

فرحان تعبان مرتاح ندمان

حاجات كتير فى حياتنا اتسببت فى حيرتنا

وادينا عايشين راضيين

جايين ورايحيين

هتعمل ايه لو نمت يوم وصحيت

و لقيت اقرب ماليك

فى الدنيا مش حوليك

هو انت مين اللى عمل كده فيك

مش انت ولا فى حد غمى عنيك

قول يالى فى المرايا فهمنى ايه الحكاية

فرحان تعبان مرتاح ندمان

حاجات كتير فى حياتنا اتسببت فى حيرتنا

وادينا عايشين

راضين جايين ورايحين

بناجيك يارب سبحانك

مليش غيرك وانت لوحدك عالم

وانت اللى قادر تخرجنى من اللى انا فيه

برحمتك

او تزدنى

ما انا كلى تقصير وذنوب

وانت لوحدك عالم

فى رحمتك طمعانه

ازل عنى الهم والغم

واقذف فى قلبى نورا

وفى قلب كل من قرا تدوينتى

اللهم امين

الصوره من غير الوان

البوست ده غريب شويه

معلش ...بس لازم اخرج الى جوايا

لما تنقص قطعة بازل من صورة حلوه عاجبة الناس

بس الصور كانت فى الاصل حلوه

ولما كانت زمان صفحه بيضا

والتقت عليها الخطوط والالوان

رسمت صوره من اروع الوفاق والتوافق

فى الالوان والانسجام

ودى صوره غير اى صوره

لما يمر عليها الزمن

توضح الالوان

بس فجأة حصل زلزال

وانسحبت الالوان

والصوره من غير خطوط بتزينها الوان

ملهاش طعم ولامعنى

تأمل معى

تأمل

ان لديك صندوق زجاجى

وضعت فيه كرات الجولف حتى امتلىء ...

ثم وضعت احجار (زلط) فملئت الفجوات ما بين كرات الجولف

ترى هل امتلىء الحوض الزجاجى

تعالو نضع شىء اخر ....

رمل .....نسكب فى الاناء رمل حتى تدخل الرمال مابين الكرات والاحجار

وتماىء الفراغات والمسافات البينيه ...

هل هناك امكانية من وضع شىء اخر ؟؟؟؟

ما رايكم ؟؟؟؟

ولو اسقط هذا المثال على حياتك

فماذا تكون الكرات

وما هى الاحجار والرمال

او بمعنى اخر

كيف ترى هذه الصوره لك؟؟