خاطره

عجبتنى اوى الام صاحبة صفحة sherm arts and crafts
وكنت شايفاها ام مثاليه ..بعدين عرفت ان عندها طفل عنده توحد ومره كتبت معاناتها معاه
كان ممكن افضل باصة لنفسى من زاوية ...انى صغيرة وجميله بس مطلقه ..وفى غيرى اقل جمالا وذكاء ومتزوجات وحياتهم مستقره
بس انا قررت انى ابص من الزاوية التانية ...زاوية عين الرضا ...شفت انى مطلقه وسنى صغير دى ميزة عشان انطلق ..عشان اخد قررات فى حياتى بحرية ...عشان احقق حاجات كان صعب انى اعملها وقت ما كنت متجوزه ..عشان ابر امى وابى بر مختلف تماما عن برى لهم زمان قبل الجواز ...وطلع ان الى كنت بعمله مكنش بر اصلا ...شفت انى بقى عندى خبرات وتجارب لازم اساعد بيها غيرى ...اساعد صديقات بيوتهم على وشك الانهيار ..او صديقه خرجت محطمة من زيجه فاشله وزوج مش بنى ادم ...
فى ستات كتير بتسيب شغلها عشان تتفرغ لزوجها اولادها ...دا نوع تانى من التفرغ ...التفرغ من الزوج والتزماته عشان تكون مع اولادها بالكامل محدش يشغلها عنهم ...
لو فضلت تبص لنفسك من نفس الزاوية طول عمرك ..هتفضل فى جنب واحد ومحدش يعرف اذا كان الجنب دا افضل ولا لا غيرك انت ...
جرب تبص لحياتك من كل الاتجاهات ..ومتوقفش عند النقص ..روح شوف الزيادة فين واستمتع بيها


0 التعليقات:

إرسال تعليق

شاركنا برأيك
قول متخافش.....
اقبل النقد لا مانع